Tere Ghar Mein | Pray For India | Anil Kant

Tere ghar mein kaun rahega-2

Tere paak makaan mein, kisko chhain milega
Tere ghar…
Woh jo raste pe chalega, aur bhale kaam karega 
Jo sada sachh hi kahega, aur burai se darega
Woh tere ghar mein…
Tere ghar…
Na doston ki badi mein, na padosi ki burai 
Woh jo darte hain khuda se, unki karta ho badai
Woh tere ghar mein…
Tere ghar …
Jo kasam kha ke na badle, chahe nuksaan uthaye 
Jo chale raah khuda ki, kabhi thokar woh na khaye
Woh tere ghar mein rahega
Tere ghar…

Aasmani Khushi | Pray For India | Anil Kant

Aasmani khushi se bhar de mujhko

Geet naya dil mein laa
Utar aa utar aa…Aye ruhe paak utar aa…
Amrit jal prabhu mujhko pila de 
Dil mere ki, pyaas bujha de 
Chashma ban ke uchhal aa..
Utar aa….
Aasmani roti, mujhko khila de
Kamzor dil ko, tagda bana de 
Bharpur kar ke rajaa
Utar aa….
Paak rooh aa mere, dil ke andar
Ban jaon main, tera mandir
Apni raah dikha..
Utar aa…

Meri Rooh | Pray For India | Anil Kant

Meri rooh khuda mein magan hai

Jaan meri najaat se khush hai 
Mere sar ko usne buland kiya 
Ab kaun mera hai uske siva
Meri rooh…
Dekho guroor se, bachh ke rehna
Munh se bada, koi bol na kehna 
Woh hai sab kuch tolne wala 
Har parde ko kholne wala
Woh khuda, khuda-e- reham hai
Meri rooh…
Himmat meri, toot gayi thi
Kismat mujhse, rooth gayi thi
Usne apne, paas bulaya
Mujhko apne, saath bithaya
Meri jaan pe, uska karam hai
Meri rooh…

Ibteda Mein | Pray For India | Anil Kant

Ibteda mein kalaam tha

Aur woh khuda ke paas tha
Woh kalaam khud khuda hi tha
Pehle se uske saath tha
Ibteda mein………
Usme hi sab kuch paida hua
Uske bina toh kuch bhi na tha
Ibteda mein…….
Thi us kalaam se hi zindagi
Thi woh hi insaan ki roshni
Ibteda mein……..
Woh noor chamka, andheron mein
Andhera usko samjha na tha
Ibteda mein………………..
Ibteda-  beginning
 kalaam-  word

Tu Hi Zindagi Hai | Pray For India | Anil Kant

Tu hi toh hai hak, aur tu hi rasta

Tu hi zindagi, hai zindagi, khudavand khuda…
Mera sab kuch tu hi tu hai, saath mere ab, teri rooh hai
Tu hai malik, tu hai daataa, noor hai tu aur, tu khushboo hai
Mujhse ho chahe saari (duniya khafaa)-2
Tu hi zindagi, hai zindagi…
Ghar jo banaye tu hi banaye, tu na banaye kaun banaye
Shahar bachaye, tu hi bachaye, tu na bachaye kaun bachaye 
Duniya mein hogi bas teri hi razaa
Tu hi zindagi, hai zindagi…
Har bebas ka, tu hai sahara, doobne walon, ka tu kinara
Tu aaghaaz hai tu anjaam hai, tere bina ab, kaun hamaraa
Tune hi banaye hain zameen aasman-2
Tu hi zindagi, hai zindagi…

Tu Hi Rab Hai | Pray For India | Anil Kant

Tu hi rab hai, tu hi sab hai
Leta hun main, tujh mein panaah
Mujhko sambhal mere Khuda…..

Tere bina kya, meri bhalai
Har shay maine, tujh se hi payi
Tu hai khudawand, mera pyala
Tune mere, hisse ko sambhala
Mera muhafiz hai tu khuda
Mujhko sambhal…

Jitna main tere, paas rahoonga
Utna hi, mazboot banoonga
Tujhko hi bas, apna kahunga
Gairon ke peeche na chaloonga
Gaoonga teri hamd-o-sana
Mujhko sambhal…

Panaah-  shelter
 muhafiz-  protector
 hamd-o-sana-  praise& worship

Khuda Se Maango | Pray For India | Anil Kant

Khuda se maango milega
Uska vada hai woh dega
Uske vade pe aitebaar karo
Khuda se pyar karo….3

Wahi to raah hai sach hai, wahi to jeevan hai
Aur usne rooh jo bheji hai, saath hardam hai
Woh sada saath chalega, uska vada hai chalega, uske vade…
Uske vade pe aitebaar karo……
Uske vade pe aitebaar karo……

Pehle uski baadshaahat, aur uski raah chuno
Tumko duniya ki har ik cheez bhi, woh dega suno
Woh jo kehta hai karega, uska vada hai karega, uske vade…
Khuda se pyar….

Pray For India | Pray For India | Anil Kant

Pray for India-3
Tera India, Mera India, Apna India

Saari duniya se hai nirala India
Sabki nigahon ka ujala India
Isko lage na kisi gair ki nazar
Chamke jahan mein pyara-2 India
Pray For India…

Yaaron apna to bas ek hi khuda
Milke rahenge hum honge na juda
Bahkaye humko na koi shaitaan
Aao maange milke khuda se yeh dua
Pray For India…

Gaon shahar gali-2 jaana hai
Pyar ka paigam sabko sunana hai
Pyar qaidiyon ko hai azad karta
Pyar dushman ko bhi maaf karta
Pray for India…

You love India I love India
God loves India too,
Come lift your hands and make a prayer
And he’s gonna answer you.

Humko hai India se mohabat, Humko hai…
Qamayab hum honge.. haan qamayab hum honge, dua se
Dua se hum to yaaron har baazi jeetenge
Jo talwaron se jiyenge, talwaron se marenge
Mohabat se hum yaaro dushman ko jeetenge
Pray For India…

Tera India Mera India Apna India
Pray for India…

Mumbai Punjab Delhi ho ya Bangalore
Jahan jahan dekho bas, Yeshu ka hai shor
Saari duniya pe, Yeshu raaj karta
Naam se Yeshu ke hai, shaitan darta
Pray for India…